ನಿನಗಾಗಿಯೇ ನಿನಗಾಗಿಯೇ ಕರೆಯೋಲೆಯ ಬರೆದಾಗಿದೆ..

ನಿನಗಾಗಿಯೇ ನಿನಗಾಗಿಯೇ ಕರೆಯೋಲೆಯ ಬರೆದಾಗಿದೆ

ನಿನಗಾಗಿಯೇ ನಿನಗಾಗಿಯೇ ಕಿರುನೋಟವು ಸರಿದಾಡಿದೆ

ಮರುಳಾಗಿ ನಾನು ಮರೆ ಮಾಚುತಿರಲು ತೆರೆಯನ್ನು ತೆರೆದು ಬರೆಲಾರೆಯೇನು

ಬೆಳಕಲ್ಲಿ ಜೀವ ತುಸು ನಾಚುತಿರಲು ಬೆಳದಿಂಗಳನ್ನು ತರಲಾರೆಯೇನು

||ನಿನಗಾಗಿಯೇ||

ಅಲೆಯುವ ಕಣ್ಣಿನ ಕಾಡಿಗೆ ಕರಗಲು ಕಲಕಲ ನಗುತಿದೆ ಈ ಹೂವಾ ಮಾಲೆ

ಕನಸಿನ ಕಲರವ ಸುತ್ತಲು ಕವಿದಿದೆ ನನ್ನನು ಹುಡುಕುತ ನೀ ಬಂದ ಮೇಲೆ

ಇರುಳಲ್ಲಿ ಬರೆದ ಮದರಂಗಿಯಲ್ಲಿ ರಂಗೇರುವಂತೆ ನೆನಪಾಗು ನೀನು

ನನಗಾಗಿ ನಿನ್ನ ಪರದಾಟ ಚೆಂದ, ತುಸುದೂರದಲ್ಲಿ ಇರಲಾರೆಯೇನು||೨||

||ನಿನಗಾಗಿಯೇ||

ಹೃದಯದ ಕನ್ನಡಿ ಒಲವಲಿ ಮಿನುಗಲು, ಅದರಲಿ ನಿನ್ನದೇ ಮೊಗವನ್ನು ನೋಡು

ನೆನಪಿನ ಪರಿಮಳ ಮೆಲ್ಲಗೆ ಸುಳಿಯುತ ಕಾಡದೆ ಸುಳಿದಿದೆ ಹಿತವಾದ ಹಾಡು

ಸೆರಗಲ್ಲಿ ಬೆರೆತ ಚಿತ್ತಾರದಲ್ಲಿ, ನವಿರಾದ ಸುಳಿಯ ಜರಿಯಾಗು ನೀನು

ಹಾಗೆಲ್ಲ ಈಗ ಮಾತಾಡಲಾರೆ, ಏಕಂತದಲ್ಲಿ ಸಿಗಲಾರೆಯೇನು||೨||

||ನಿನಗಾಗಿಯೇ||