ಆಕಾಶ ನೀನೇ ನೀಡೊಂದು ಗೂಡು

 ಚಿತ್ರ : ಅಂಬಾರಿ
ಆಕಾಶ ನೀನೇ ನೀಡೊಂದು ಗೂಡು
ಬಂತೀಗ ಪ್ರೀತಿ ಹಾರಿ
ತಂಗಾಳಿ ನೀನೇ ನೀಡೊಂದು ಹಾಡು
ಕಂಡಿತು ಕಾಲುದಾರಿ
ಒಂದಾದ ಜೀವ ಹೂವಾಗುವಂತೆ
ಎಂದೂ ಕಾಪಡಲಿ
ಪ್ರೀತಿಯ ಅಂಬಾರಿ
ಕಣ್ಣಿನಲ್ಲಿ ಕಣ್ಣಿರೆ
ಲೋಕವೆಲ್ಲ ಹೂ ಹಂದರ
ಭಾವ ಒಂದೇ ಆಗಿರೆ
ಬೇಕೆ ಬೇರೆ ಭಾಷಾಂತರ
ಎದೆಯಿಂದ ಹೊರ ಹೋಗೊ ಉಸಿರೆಲ್ಲ ಕನಸಾಗಲಿ
ಈ ಪ್ರೀತಿ ಜೊತೆಯಲ್ಲಿ ಒಂದೊಂದು ನನಸಾಗಲಿ
ಕೊನೆಯಿಲ್ಲದ ಕುಶಲೋಪರಿ
ಪ್ರೀತಿಯ ಅಂಬಾರಿ
ಕಾಣದಂಥ ಹೊಸ್ತಿಲು
ದೂರದಿಂದ ಬಾ ಎಂದಿದೆ
ಪೆದ್ದು ಮುದ್ದು ಜೋಡಿಗೆ
ಸಿಕ್ಕ ಪ್ರೀತಿ ಸೊಗಸಾಗಿದೆ
ಆ ಸೂರ್ಯ ಸರಿದಾಗ ಈ ಪ್ರೇಮ ರೋಮಾಂಚನ
ಮುಸ್ಸಂಜೆ ಕವಿದಾಗ ಈ ಪ್ರೇಮ ನೀಲಾಂಜನ
ಮುಂದರಿಯುವ ಕಾದಂಬರಿ
ಪ್ರೀತಿಯ ಅಂಬಾರಿ..